ప్రత్యూష తమ్ముడు హీరోగా...
(సూర్య వార్త)
అందాల నటి ప్రత్యూష తమ్ముడు కృష్ణచంద్ర హీరోగా..పరిచయమవుతున్న సినిమా ఉగాది నుంచి ప్రోగ్రెసింగ్కి వెళుతోంది. భవ్యశ్రీ కథానాయిక. ఎన్.మల్లిఖార్జునరావు సమర్పకుడు. శ్రీ రాజేశ్వరి ఫిలింస్ సారథ్యంలో శ్రీనివాస్ పిక్చర్స్ పతాకంపై ఎమ్మెస్సార్ నిర్మిస్తున్నారు. మల్లెల చరణ్ దర్శకుడు. ఈ సినిమా రికార్డింగ్ కార్యక్రమాలు సంగీతదర్శకుడు మహతి ఆధ్వర్యంలో హైదరా బాద్ సానాయాదిరెడ్డి రికార్డింగ్ థియేటర్లో జరిగాయి. హీరో కృష్ణచంద్ర మాట్లాడుతూ ‘ఇది నా తొలిచిత్రం. ప్రేమ, యాక్షన్ కలగలిసిన ఫ్యామిలీ ఎంటర్టైనర్ ఇది. అన్నారు. దర్శకుడు మాట్లాడుతూ ‘అన్యాయాలను ఎదురించి తన గ్రామస్తులకు హీరో ఎలాంటి మేలు చేశాడనేదే సినిమా’ అన్నారు. ప్రముఖ కథానాయకుడు, నాయిక కూడా ఈ చిత్రంలో నటిస్తారని నిర్మాత తెలిపారు. చిత్రయూనిట్ సహా గాయని కౌసల్య తదితరులు కార్యక్రమంలో పాల్గొన్నారు.
No comments:
Post a Comment