Feb 18, 2018

గుండు హనుమంత రావు ఇక లేరు



ప్రముఖ హాస్యనటుడు గుండు హనుమంత రావు (61) సోమవారం తెల్లవారు జామున తన హైదరాబాద్ లో తన నివాసంలో కన్ను మూశారు.  అయన గత కొంతకాలంగా కిడ్నీ వ్యాధితో బాధపడుతున్నారు.
గుండు హనుమంత రావుకు చిన్నప్పటి నుంచే నటనపై ఆసక్తి ఏర్పడటంతో 18 ఏళ్ళ వయసు నుంచే నాటకరంగంలో ప్రవేశించి అనేక నాటకాలు, నాటికలలో నటించారు. ఆయన చేసిన టీవి సీరియల్ ‘అమృతం’ తెలుగు ప్రేక్షకులందరికీ గుర్తుండే ఉంటుంది. దానితోనే అయన వారి మనసులు దోచుకొన్నారు. ఆ సీరియల్ లో అయన నటనకు నంది అవార్డు కూడా అందుకొన్నారు. ‘ఆహ నా పెళ్ళంట’ సినిమాతో సినీ పరిశ్రమలో ప్రవేశించిన అయన సుమారు 400 పైగా సినిమాలలో నటించారు. యమలీల, శుభలగ్నం, అన్నమయ్య, అతడు, ఆట, మస్కా వంటి అనేక సినిమాలలో తనదైన శైలిలో నటించి ప్రేక్షకులను మెప్పించారు.